Tag

south korea

Browsing

БНСУ-ын бүх их дээд сургуулиуд оюутны хотхон буюу кампустай байдаг билээ. Оюутны хотхон дотроо хичээлийн байр, номын сан, дотуур байр, эмнэлэг, хоолны газар, цэцэрлэгт хүрээлэн, дэлгүүр, кофе шоп, хөлбөмбөгийн талбай зэрэг оюутнуудад хэрэгцээтэй бүхий л зүйлсийг цогцоор нь шийдэж өгсөн байдаг. Нэг үгээр хот доторх “бяцхан хот” гэхэд хилсдэхгүй болов уу. Та бүхэн БНСУ-ын хамгийн үзэсгэлэнтэй хийгээд сонирхол татахуйц 10 кампустай танилцана уу.

1. Кёнгхи их сургууль – Kyung Hee university

Тус сургуулийн хотхоны зохион байгуулалт болоод барилга байгуулууламжийнх нь загвар, шийдлүүд танд яг л Европын оронд ирсэн мэт гайхамшигтай сэтгэгдлийг төрүүлэх нь гарцаагүй юм. Түүнчлэн Кёнгхи их сургуулийн оюутны хотхон сакура цэцэг хамгийн үзэсгэлэнтэйгээр дэлгэрдэг гэдгээрээ маш алдартай. Чөлөөт цагаараа хотхоны төв хэсэгт байрлах усан оргилуурын хажууд усны урсгал чимээ сонсон амарч суух сайхан биш гэж үү?

Сургуулийн вэбсайт: https://www.khu.ac.kr/eng/main/index.do

พาชม มหาลัยที่สวยที่สุดใน โซล kyunghee university (เรียนที่นี่) - Pantip

2. Конкүүк их сургууль – Konkuk university

Хэрэв та дуу чимээ ихтэй, завгүй хотын хэв маягт баригдалгүй байгалийн сайханд суралцахыг хүсвэл Конкүүк их сургуулийг зориорой. Оюутны хотхон нь төв цэгтээ “Илгамху” гэх үзэсгэлэнт нууртай бөгөөд тус нуураа хүрээлэн оршдогоороо хэний ч харааг булаагаад зогсохгүй их өвөрмөц тогтоцтой билээ. Нуурын эргээр зугаалж тагтаа, болжмор, нугас, галуу, хөх дэглий зэрэг усны шувуудыг ч харах бүрэн боломжтой. Дашрамд дурдахад Конкүүк их сургуулийн хотхоноос холгүй Хан мөрөн, цэцэрлэгт хүрээлэн болон амтат хоолны гудамж байрладаг тул залуус та бүхэн цагийг зугаатай өнгөрөөнө гэдэгт итгэлтэй байна.

Сургуулийн вэбсайт: https://eng.konkuk.ac.kr/

Konkuk University - study language and degree programs in Seoul, Korea
한국유학종합시스템 Study in Korea | run by Korean Government

3. Кеимён их сургууль – Keimyung university

Дэгү хотод байрладаг Кеимён их сургуулийн оюутны хотхонд олон олон уран сайхны хийгээд олон ангит киноны зураг авалт хийгдсэнээрээ маш алдартай билээ. Тухайлбал та бидний сайн мэдэх жүжигчин Ли Мин Хогийн тоглосон F4 буюу “Цэцэг шиг хөвгүүд” олон ангит киноны зураг авалт хийгдэж байжээ. Тус хотхон орчин үеийн, шинэлэг хийц загвар бүхий барилгуудтай бөгөөд Солонгос улсын хамгийн том хотхонтой их сургуулиудын 5 дугаарт жагсдаг байна.

Сургуулийн вэбсайт: https://www.kmu.ac.kr/uni/eng/main.jsp

계명대학교, 신입생 79% 수시모집으로 선발… 미술계열 학종 도입-국민일보
KMU News - 계명대학교 온라인 소식지

4. Кореа их сургууль – Korea university

Кореа их сургуулийн хотхон хаалганаасаа эхлээд л тун өвөрмөц болох нь шууд харагдана. Хотхоноор зочлоход уран барилгууд, нарийн хийц загвар нь хамгийн түрүүнд Харри Поттерт гардаг Хогвартс шидтэний сургуулийг санагдуулам бөгөөд харааг тань эрхгүй булаана гэдэгт итгэлтэй байна. Үүгээр зогсохгүй номин хөх тэнгэр тэр чигтээ ойж харагдахуйц, битүү шилээр хүрээлж босгосон, шилэн барилга ч бас бий. Зөвхөн өдөр гэлтгүй шөнө ч маш үзэсгэлэнтэй учир оройн цагаар ч салхилж, зугаалахад тохиромжтой. 

Сургуулийн вэбсайт: http://www.korea.edu/mbshome/mbs/en/index.do

5. Ихуа эмэгтэйчүүдийн их сургууль – Ewha womans university 

Энэ бол өнгөрсөн болон эдүгээ цаг хамтдаа зэрэгцэн оршиж буй мэт Ихуа эмэгтэйчүүдийн их сургуулийн оюутны хотхон юм. Солонгос орны түүх, соёлын бүхий л цаг үед оршсоор ирсэн тус сургуулийн хотхонд байрлах “Дулдамгил” буюу дан чулуугаар өрж босгосон хана бүхий гудамжийг заавал үзэж сонирхоорой. Энд очсон хэн бүхэн зураг даруулж, амьдралдаа тохиох хамгийн ховор нандин, мартагдашгүй дурсамжуудаа гэрэл зураг болгон мөнхөлдгөөрөө онцлог бөгөөдэнэ нь бичигдээгүй хууль болсон гэхэд нэг их хилсдэхгүй биз ээ.

Сургуулийн вэбсайт: http://www.ewha.ac.kr/ewhaen/index.do

🇰🇷 Ewha Womans University in Seoul, South Korea [4k] - YouTube

6. Ёнсэй их сургууль – Yonsei university

Ёнсэй их сургуулийн хувьд Мирэ болон Гүгжэ гэх хоёр том хотхонтой. Анх хааны ордон сүндэрлэх гэж байсан тус газар одоогийн Ёнсэй их сургуулийг барьж байгуулсан түүхтэй. Жилийн 365 хоног, дөрвөн улирлын хэдийд ч үзэсгэлэнтэй байж, онцлог шинжээ алддаггүй тус хотхоноор заавал зочлохыг зөвлөе.

Сургуулийн вэбсайт: https://www.yonsei.ac.kr/en_sc/index.jsp

Yonsei University – APRU Virtual Student Exchange
YONSEI OCX | Yonsei News

7. Моквон их сургууль – Mokwon university

Тэжон хотод байрладаг Моквон их сургууль 1954 онд үүсгэн байгуулагджээ. Байгуулагдах үедээ өөр хотхонтой байсан ч сүүлд оюутнууддаа зориулан шинэ хотхоныг тусгайлан барьж байгуулснаар 1999 онд нүүлгэн шилжүүлсэн байна. Ягаан өнгийн дээвэр бүхий цайвар шаргал байрууд хаанаас ч харсан нүдэнд тодхон харагдах бөгөөд ягаан өнгийг голлон барьсан нь тус хотхоны нэг онцлог гэж болно.

Сургуулийн вэбсайт: https://www.mokwon.ac.kr/en/

Университет Моквон - Учеба в Южной Корее | World.uz
Du học Hàn Quốc Shinyong

8. Жеонбүк их сургууль – Jeonbuk national university

Чонжү хот нь дээр үеийн хийц загвар бүхий байшин барилгуудаараа алдартай. Тийм ч учраас Жеонбүк их сургуулийн оюутны хотхон ч мөн адил тус онцлог шинжийг агуулжээ. Тус хотхоны төв хаалганаас л та миний юун тухай яриад буйг шууд ойлгох болно. Энэ нь дан ганц хаалга биш бөгөөд хоёр давхарт нь сургуулийн оффис байрладаг. Мөн хотын нийтийн тээвэр бүхий автобус хотхон дундуур дамжиж өнгөрдөг нь нэн сонирхолтой санагдана. Сургуулийн зүгээс жил бүр шинэ элсэгчиддээ зориулан хотхонтой танилцах аялал зохион байгуулдаг байна.

Сургуулийн вэбсайт: http://www.cbnu.edu/eng/

9. Сонгюнкван их сургууль – Sungkyunkwan university

Тус сургууль нь анх 1398 онд үүсгэн байгуулагдсан бөгөөд өдгөө 623 жилийн нүүрийг үзэж буй Солонгос улсдаа төдийгүй Азид нэгдүгээрт бичигддэг хамгийн эртний сургууль юм. Үүгээрээ Солонгос улсын түүх, соёлыг зэрэг бүтээлцсэн гэгддэг томоохон илэрхийлллийн нэг болдог билээ. Сургуулийг нийгмийн шинжлэх ухаан болон байгалийн шинжлэх ухааны гэх хоёр том хотхонд хуваагддаг. Хотхон намрын улиралд хамгийн үзэсгэлэнтэй харагддаг төдийгүй сургуулийн хотхоны ойр орчимд мэргэжлийн болон сонирхогч оюутнуудын үзүүлбэрүүд, жүжигчилсэн тоглолт, театрийн арга хэмжээнүүд их зохиогддогоороо алдартай юм.

Сургуулийн вэбсайт: https://www.skku.edu/eng/index.do

The Samsung Library at Sungkyunkwan University Natural Sciences Campus in  Suwon, South Korea | Universitas, Dunia, Seoul
SUNG KYUN KWAN UNIVERSITY(SKKU)

10. Сөүлийн их сургууль – Seoul national university

Сөүлийн их сургууль нь 1946 онд үүсгэн байгуулагдсан бөгөөд төв болон анагаах ухааны чиглэлийн гэсэн үндсэн хоёр том оюутны хотхонтой. Мөн хөдөө аж ахуй, газар тариалангийн чиглэлээр судалгаа шинжилгээ хийдэг тусгай лабораторитой бөгөөд Пёнгчан хотод байрладаг байна. Төв хотхоных нь гол хаалганд байрлах солонгос том үсэг нь Сөүлийн үндэсний их сургуулийг тодорхойлох эхний гурван үсгийн товчлол юм. Тус сургууль номын сангаараа маш алдартай. Учир нь номын сандаа 5,200,000 гаруй ном товхимолтой, мөн оюутнуудын амралт чөлөөт цагт нь зориулсан кино театртай юм. Хуучин номын санг өргөтгөж 2015 онд шинэ номын сан барьж байгуулжээ.

Сургуулийн вэбсайт: https://en.snu.ac.kr/index.html

Seoul National University Campus Tour
Library - Services for Students - Academics - Seoul National University

Хэрэгцээ шаардлагатай бүх зүйлс нь нэг дороо төвлөрсөн, тав тухтай, аюулгүй орчин нөхцөлд сэтгэл хангалуун суралцах боломж та бүхэнд нээлттэй байна. БНСУ-ын шилдэг их дээд сургуулиудад чанартай боловсрол эзэмшин, дэлхийд өрсөлдөхүйц боловсон хүчин болоход тань бид тусалъя.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих:

Утас: 7766–5555

Вэб сайт: www.hikorea.mn

И-Мэйл хаяг: info@hikorea.mn

Конкук их сургууль нь 1946 онд байгуулагдсан ба 20,000 гаруй оюутнаас 3,323 нь гадаад оюутан бөгөөд 60 орны 448 их сургуультай хамтын ажиллагаатай 13 салбар сургуультай юм. БНСУ-даа 14-т, Хүмүүнлэгийн ухаан урлагийн сургуулиараа 5-т жагсдаг, Азийн шилдэг 100 сургуульд багтдаг шилдэг сургууль юм. Бусад сургуулиас онцлог тал нь Конкук их сургууль нь сурагчийн дүнгээр биш ур чадварыг нь илүү хөгжүүлэх талаас хөтөлбөрүүд их байдаг. Тийм ч учраас Конкук их сургуулийг төгссөн ур чадвартай Солонгосын нэр хүндтэй хүмүүс олон байдаг байна. Энэ дунд бидний хамгийн сайн мэддэг…..

Lee Min Ho

33 настай жүжигчин, дуучин, модель мэргэжилтэй тэрээр ахлах ангидаа жүжгийн салбарт хөл тавьж Конкук их сургуулийн кино, жүжгийн ангийг төгссөн байна.
Монгол залуучуудын дунд “F4” “Өв залгамжлагчид” сүүлийн үед “The King: Eternal Monarch” гэх олон ангит киногоороо бидний зүрх сэтгэлийг булааж байгаа билээ.

Сонирхолтой баримт: Tэр багадаа мэргэжлийн хөл бөмбөгчин болох мөрөөдөлтэй байсан ч хүнд бэртэл аваад боломжгүй болсон байна

Nayeon (Twice)

Наёон 2010 онд JYP Энтертаймент-д орж дуучин болoхоор бэлдэж эхлээд 2013 онд “6mix” хамтлагт орж чадсан ч олонт нийтэд уран бүтээлээ үзүүлж чадалгүй байсаар байгаад 2015 онд “Sixteen” охидын хамтлаг шалгаруулах телевизийн шоунд оролцож тэнцсэн байна. Ингээд Twice охидын хамтлагт тэр одоо хүртэл амжилттай уран бүтээлээ туурвиж яваа билээ. Наёон хамтлаг дундаа олонд хамгийн их танигддаг гишүүн бөгөөд Солонгосын хамгийн алдартай оддын нэгээр жил дараалан 3 удаа тодорсон байна

Сонирхолтой баримт: Тэр нүдээ нээлттэй унтаж чаддаг

Jin (BTS)

Конкук их сургуулийг жүжигчин мэргэжлээр төгссөн Ким Сеок Жин, тайзны нэрээрээ илүү сайн танигдах Жин өдгөө 27 настай ба дуучин, хөгжмийн зохиолч мэргэжилтэй билээ. Тэрээр сүүлийн 7 жил BTS хамтлагийн гишүүнээр уран бүтээлээ туурвиж байна. Мөн Жин-ий зохиосон 3 дуу БНСУ-ын Gaon Digital Chart-д байр эзэлсэн юм.

Сонирхолтой баримт: BTS хамтлагт гишүүн болoхоосоо өмнө Big Hit Энтертаймент-д жүжигчнээр бэлтгэгдэж байжээ.

Kim Hye Yoon

Конкук их сургуульд кино урлагаар 4 жилийн тэтгэлэгтэй суралцаад 2019 оны хавар амжилт дүүрэн төгссөн тэрээр “Sky Castle” олон ангит киногоороо олонд танигдаж эхэлжээ. “Sky castle” олон ангит кинонд тоглохоосоо өмнө туслах дүрээр хэд хэдэн удан тоглож байсан ч хичээлдээ голдуу анхаарахыг чухалчлан гол дүрийн дүрд албаар тоглоогүй байна. Их сургуулиа төгсөөд “Extraordinary You” олон ангит кинонд анх удаа гол дүрийн эмэгтэйгээр тоглосон юм.

Kim Hye-yoon / Yonhap

Lee Jong Suk

Конкук их сургуулийг хөдөлгөөнт зураг ба урлаг мэргэжлээр 2016 онд төгссөн тэрээр одоо модель, жүжигчнээр ажиллаж байгаа юм. Бидний сайн мэдэхээр “Pinocchio”, “While you were sleeping”олон ангит кинонд гол дүрийн эрэгтэйн дүр бүтээсэн юм. Тун удахгүй бас нэгэн олон ангит кинонд дүр бүтээх сурагтай шүү…🤫

Сонирхолтой баримт: Тэр жүжигчний карьераа эхлүүлэхээс өмнө Кпоп урсгалын уран бүтээлч болoхоор бэлтгэгдэж байжээ

Lee Hyeri (Girl’s Day)

Forbes сэтгүүлийн хамгийн хүчирхэг алдартнаар 3-т шалгарч байсан удаатай тэрээр Конкук их сургуулийг кино урлагаар төгссөн байна. Тэр дуучин, жүжигчин мэргэжилтэй ба бидний сэтгэлд хамгийн тод үлдсэн “Reply 1988” олон ангит кинонд гол дүрийн эмэгтэй дүрд тоглосон юм . Энэ кино дээр тэрээр эршүүд, яриа, хөгжилтэй охины дүр бүтээдэг бол Hyeri амьдрал дээрээ ч төстэй зантай юм.

Сонирхолтой баримт: Тэр дуучин болoхоосоо өмнө солгой байсан ч зогсолтгүй хүчин чармайлт гаргаж солгой хоолойноосоо салж чаджээ

JB (GOT7)

GOT7 хамтлагийн ахлагч, дуучин, дууны продюсер, дуу зохиогч, бүжигчин, жүжигчин тэрээр Конкук их сургуулийн кино урлагаар сурж төгссөн байна. Мөн Dream High олон ангит кинонд гол дүрийн эрэгтэй дүр бүтээж кино урлагт хөл тавьж байжээ. JB сүүлийн үед хамтлагаараа болон ганцаарчилсан уран бүтээлээ туурвиж яваа юм байна шүү залуусаа 🙂

Сонирхолтой баримт: JB зүүн, баруун гараараа ижил тэнцүү бичиж чаддаг

Song Kang

Жүжигчин мэргэжилтэй тэр бас л кино урлагаар Конкук их сургуулийг дүүргэсэн юм. Song Kang жүжигчний карьер-ээ эхлүүлээд удаагүй ч Солонгос залуучууддаа багагүй нэр хүндтэй уран бүтээлч билээ. Түүний уран бүтээлээс дурдах юм бол сүүлийн жилүүдэд гарсан ” Love Alarm “, “The Liar and His Lover” олон ангит кинонд гол дүр болон туслах дүр бүтээсэн байна. Мөн тэр 2020 онд дэлгэцнээ гарах Солонгосын комик номонд суурилсан шинэ олон ангит кинонд гол дүр бүтээхээр бэлдэж байгаа.

Сонирхолтой баримт: Song Kang шүтэн бишрэгчидтэйгээ уулзахаар уулзалт зохион байгуулахад тасалбар нь 30 секунд-д дууссан юм

Энэ мэтчилэн манай энэ удаагийн блог-нд багтаагүй Конкук их сургуулийг төгссөн та бүхний мэдэх Солонгос алдартан маш их байдаг юм. Хэрвээ та өөр сургуулиудын тухай сонирхолтой баримт, мэдээ мэдээллийг цаг тухайд нь авахыг хүсвэл бидэнтэй цуг байгаарай 😎

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

И-Мэйл хаяг: info@hikorea.mn

Солонгос улсыг зорихоосоо өмнө Солонгос хэлийг сурснаар танд маш олон давуу талууд үүсэх болно. Та Мөнгө Санхүү болон Цаг Хугацаа хэмнэх боломжтой бөгөөд амжилттай суралцах, хүмүүстэй өдөр тутам харилцахад илүү хялбар болох гээд маш олон боломжууд гарч ирнэ. 

MacBook Pro near white open book

Хэлний бэлтгэлд суралцах үйл явц

Та хэлний бэлтгэлд сурахаар очиход хичээлээ мэдээж Солонгос хэл дээр үзэх учраас урьдчилан сурах нь зүйтэй юм. Юун түрүүнд очоод төвшин тогтоох шалгалт өгч төвшингөө тогтоолгон 1-гээс 6 хүртэлх төвшний ангид хуваарилагдан ордог учраас хэрвээ та явахаасаа өмнө сайн суралцаж чадвал төвшин алгасан дараагийн шатанд орж тухайн алгассан семестрийн төлбөр болон цаг хугацаа, амьдрах зардлаа хэмнэх мөн цаашлаад тэтгэлэг авах ч бүрэн дүүрэн боломж үүсч болох юм. 

brown wooden table and chairs

Өдөр тутмын амьдрал

Солонгос хэлийг Монгол улсад хэлний сургалтад суралцах нь илүү хямд бөгөөд зардал багатайгаар зогсохгүй ойлгоход илүү амар байх болно. Суралцсаны дараа очсоноор та хичээлээ сайн ойлгон багшийн өгсөн үүрэг даалгаврыг гүйцэтгэхэд хавьгүй хялбар болох бөгөөд суралцах үйл явц тань илүү сонирхолтой, хөгжилтэй болно. Мөн хичээлээ ойлгохгүй хоцрогдоно гэхээс санаа зовох шаардлагагүй болох юм.

three men laughing while looking in the laptop inside room

Олон талын боломжууд

Та автобусанд суух, хоол захиалж идэх, үйлчилгээ авах зэрэг өдөр тутмын үйл ажиллагаанд тань хэлний мэдлэггүйгээс болж бэрхшээлүүд гарч ирдэг. Жишээлбэл автобусны чиглэлийг харах дэлгүүрт ороод худалдагч болон хүмүүстэй харьцах зэргээр маш хэрэг болдог учир танд зайлшгүй хэрэглээний буюу анхан шатны мэдлэг танд хэрэг болно.

person walking while carrying a camera and paper bags

Итгэл дүүрэн суралцъя!

Маш олон хүүхэд Солонгос хэлээ сурч чадалгүй шантран Монгол-руугаа буцах тохиолдол их байдаг. Ингэснээр хүмүүс цаг хугацаа болон мөнгө санхүү-гээрээ ихэд хохирдог. Тиймээс та бүхэн хичээлээ ойлгож амжилттай суралцахын тулд Солонгос улсыг зорьж суралцахаасаа өмнө тодорхой хэмжээнд хэлээ суралцаад очих нь хамгийн зөв сонголт болох юм аа.  

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn

Манай байршил


2 жил дараалан Азийн ТОП их сургуулиудын 10-т багтаж байгаа, Солонгос-доо болон дэлхийд ранк өндөртэй. Сөүл хот болон Сувон хотуудад байрладаг Sungkyunkwan их сургууль нь дэлхийн шилдэг, Солонгосын тэргүүлэх их сургууль болж байна. 3өвхөн дотоодoд төдийгүй олон улсад “хамгийн хурдан хөгжиж буй их сургууль” гэдгээрээ алдартай Мөн 2009 оноос хойш дэлхийн хамгийн их анхаарал татсан 10 их дээд сургуулийн тоонд багтсан.

Олон талийн боломжууд

Sungkyunkwan их сургууль-ийн хичээлийн 40 гаруй хувийг англи хэл дээр заадаг. Мөн англи хэл дээр заадаг ангиудаас бүрдсэн хэд хэдэн мэргэжлүүд байдаг. Магистрантуудад зориулан англи хэл дээрх 7 чиглэлээр мэргэжлийн чиглэлээр сургалт явуулдаг. Үүнээс гадна Шинжлэх ухаан, Технологи, Инженер, Анагаах ухаан, Эмийн сангийн бараг бүх төгсөх курсийн оюутнууд англи хэл дээр хичээлээ үздэг. Оюутан залуус та бүхнийг манай байгуулга 2020 оны 9 сарийн элсэлтээс эхлэн Монгол улсаас анх удаа албан ёсны эрхтэйгээр энэхүү Солонгос улсын шилдэг их сургууль луу зуучлалын үйлчилгээ үзүүлэх гэж байгаадаа таатай байна. Та бүхэн Sungkyunkwan их сургууль– элсэн орсноор эдгээр тусгай хөтөлбөрүүдэд хамрагдах боломж нээгдэх юм

Олон улсын оюутнуудад зориулсан тусгай хөтөлбөр

people holding banner taking pose

Олон улсын оюутнуудад нэгдүгээр курст суралцах хугацаандаа тусгай хөтөлбөрүүдэд хамрагдах боломжтой. Эдгээр хөтөлбөрүүд нь оюутнуудын Солонгос улсын талаарх ойлголтыг сайжруулж, сурч боловсрох, цаашдаа тухайн мэргэжлээр амжилттай мэргэшихэд хувь нэмрээ оруулах зорилготой юм.

Солонгос хэлний хөтөлбөр

assorted books on wooden table

Солонгос улсад амжилтад хүрэх эхний алхам бол Солонгос хэлийг сурах явдал юм.
Сонгюнгуан их сургууль нь оюутнууддаа Солонгос хэлний мэдлэг дээшлүүлэх янз бүрийн боломжуудыг өгдөг. Жишээлбэл хичээлийн дараа Солонгос хэлний тусгай хичээлд суух мөн TOPIK-ийн шалгалтад бэлдэх ангиудыг нээж өгч оюутнуудаа амжилттай сурахад тусалдаг.

Олон улсын оюутны тэтгэлэг

group of people using laptop computer

Sungkyunkwan их сургууль нь олон улсын үлгэр жишээ оюутнуудыг санхүүгийн бэрхшээлээс ангид суралцуулахын тулд төрөл бүрийн онцгой тэтгэлэгт хөтөлбөрүүдийг санал болгодог. Бакалаврын оюутнууд өмнөх семестрийн голч оноон дээр үндэслэн сургалтын төлбөрөө 30 ~ 70% бууруулах боломжтой. Мөн (Шинжлэх ухаан, Технологи, Инженер, Математик) чиглэлээр суралцаж, эрдэм шинжилгээ, судалгааны ажил дээр өндөр амжилт гаргавал тэтгэлэг авах боломжтой.

Карьер хөгжүүлэх хөтөлбөр

person holding pencil near laptop computer

Sungkyunkwan их сургууль нь оюутнуудад амжилттай карьераа бий болгоход туслах зорилгоор олон төрлийн хөтөлбөрүүдийг санал болгодог. БНСУ-д хөдөлмөр эрхлэх хүсэлтэй хүмүүсийн хувьд тус их сургууль нь тусгай лекц, загварчилсан ярилцлага, семинар, хөдөлмөр эрхлэлтийн тусгай хөтөлбөрөөр хангадаг.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn

Манай байршил

Солонгос улсад суралцдаг дотоод, гадаад гэлтгүй оюутнууд дунд ‘тренд’ болж байгаа мэргэжлийг танилцуулах гэж байна. Төгсөөд ажилд орох магадлал ихтэй, цалин өндөр, эрэлт ихтэй мэргэжлүүд байдаг сургууль, болон түүний төлбөр, элсэлтийн хугацаа болон тэтгэлгийн мэдээллийг Солонгост суралцах хүсэл, зорилготой оюутнууддаа зориулав.

1. Computer Science

Компьютерын шинжлэх ухаан нь мэдээлэл ба тооцооллын онолын үндсүүд болон тэдгээрийг компьютерын системд хэрэгжүүлэх практик аргуудыг судалдаг. Компьютерын шинжлэх ухаанчид мэдээллийг үүсгэдэг, дүрсэлдэг, хувиргадаг, мөн цогц системийг загварчлахад тохиромжтой хийсвэрлэлийг томьёолдог алгоритмын процессуудыг бодож олдог.

1. KAIST

Элсэлт: Хаврын элсэлт бөгөөд 3 сарын элсэлт нь 9.2-10.25 хүртэл бол намрын элсэлт буюу 9 сарын элсэлт нь эхний ээлжинд 11.4-1.10 хүртэл, 2 дугаар ээлжинд 3.2-3.22 хүртэл явагдаад дуусдаг байна.

Шаардлага: англи хэлний TOEFL IBT 80, TOEFL PBT (OLD) 560, (NEW) 63, IELTS 6.5, TEPS (OLD) 599, (NEW) 326 болон үүн дээр нэмээд багшийн захиа, ахлах ангид авж байсан шагнал, хамрагдаж байсан сайн дурын ажил гэх мэт

Төлбөр: амжилттай элсэн орсон тохиолдолд 100% тэтгэлэгтэй (баклавр)

2. Sungkyunkwan University

Элсэлт: Хаврын элсэлт нь 9.2~9.6 (эхний ээлж) 11.25-11.29 (2 дугаар ээлж) хүртэл бол намрын элсэлт нь 1.20~6~4 хүртэл явагдаад дуусдаг байна.

Шаардлага: Tопик 4-өөс дээш оноо, IELTS 5.5, TOEFL IBT 80

Төлбөр: 5,537,000 (1-р семестр)

Тэтгэлэг: Шилдэг элсэгчийн тэтгэлэг 100%, шилдэг оюутны тэтгэлэг (4 жил)

3. Korea university

Элсэлт: Хаврын элсэлт нь 8.20~10.17 хүртэл бол намрын элсэлт нь 3 сар~4 сар хүртэл явагдаад дуусдаг байна.

Шаардлага: Топик 3-6

Төлбөр: 4,500,000 (1-р семестр)

Тэтгэлэг: Шилдэг элсэгчийн тэтгэлэг 50%, 100%

4. Keimyung University

Элсэлт: Хаврын элсэлт нь 10~11 сар хүртэл бол намрын элсэлт нь 4~5 сар (эхний ээлж), 6~7 сар (2-р ээлж) хүртэл явагдаад дуусдаг байна.

Шаардлага: Топик 2-с дээш, TOEFL IBT 61, TOEIC 600, IELTS 5-с дээш

Тэтгэлэг: Шилдэг элсэгчийн тэтгэлэг 100%

Төлбөр: одоохондоо мэдээлэл байхгүй байна

2. Aрхитектур

Архитектур нь орон сууц, олон нийтийн барилгын болон суурин газрын төлөвлөлтийн үндсэн зарчим, хэтийн төлөвийг тодорхойлох онол практикийн мэдлэгтэй, хүний амьдрах орчны архитектур, орон зайн төлөвлөлт боловсруулах, суурин газрын ерөнхий төлөвлөгөөний санаа гаргах, оновчтой шийдлийг эскиз болон ажлын зураглалаар илэрхийлэх чадвартай болж зураг төслийн байгууллагад зураг төслийн ажлыг удирдах, төслийн судалгааны багт орж ажиллах, хот аймгийн захиргаа бусад байгууллагад ерөнхий архитектораар ажиллах дадал ур чадварыг эзэмшинэ.

1. Seoul National University

Элсэлт: Хаврын элсэлт бөгөөд 3 сарын элсэлт нь 7 сард эхэлдэг бол намрын элсэлт нь 2.10~2.27 хүртэл явагдаад дуусдаг байна.

Шаардлага: ТОПИК 3-6, TOEFL IBT 80, IELTS 6, TEPS (OLD) 551, (NEW) 298 болон үүн дээр нэмээд багшийн захиа, ахлах ангид авж байсан шагнал, хамрагдаж байсан сайн дурын ажил гэх мэт

Төлбөр: 2,998,000 (1-р семестр)

Тэтгэлэг: линк дээр дараад үзээрэй 🙂

2. Hongik University

Элсэлт: Намрын элсэлт нь 5.18-~5.25 хүртэл явагдаад дуусдаг байна.

Шаардлага: ТОПИК 2-6

Төлбөр: 5,423,200 (1-р семестр)

Тэтгэлэг: голч дүнгийн тэтгэлэг 100% хүртэл, гадаад сурагчийн тэтгэлэг 900,000 вон, топик 4- 50%. топик 5- 60%, топик 6- 70%

3. Yonsei university

Элсэлт: Хаврын элсэлт нь 8.19~11/14 хүртэл бол намрын элсэлт нь 1.20~6~4 хүртэл явагдаад дуусдаг байна.

Шаардлага: Солонгос хэлний оноо, багшийн захиа, гаргасан амжилт болон сургуулиас гадуурх үйл ажиллагаа, апостил гэх мэт

Төлбөр: 4,662,000 вон (1-р семестр)

Тэтгэлэг: Tоп сурагчийн тэтгэлэг,  Элсэлтийн тэтгэлэг 100% хүртэл

4. Korea university

Элсэлт: Хаврын элсэлт нь 8.20~10.17 хүртэл бол намрын элсэлт нь 3.3~4.10 хүртэл явагдаад дуусдаг байна.

Шаардлага: Топик 3-6

Төлбөр: 4,500,000 вон (1 семестр)

Тэтгэлэг: Шилдэг элсэгчийн тэтгэлэг 50%, 100%

Aрхитектур, IT мэргэжлээр хамгийн шилдэг гэсэн сургуулиуд нь эдгээр сургуулиуд бол дараачийн блогоороо хуулийн мэргэжлээр Солонгосын ямар их сургуулиуд шилдэг-т ордгийг тун удахгүй цугтаа харцгаая.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn

Манай байршил

Гадаадад сурахаар шийдсэн ихэнх хүмүүс гадаад оюутнуудад тэтгэлэг олдох боломжгүй гэж боддог ч энэ нь буруу ойлголт юм. Ялангуяа Солонгос улсад засгийн газар болон их дээд сургуулиудын тэтгэлэг авах боломж их байдаг бөгөөд суралцах бүтээмж өндөр оюутнуудыг тэтгэж дэлхийн шилдэг боловсон хүчин бэлтгэхийн тулд оюутнуудыг гадаадад суралцах боломжоор хангах засгийн газрын тэтгэлэгт хөтөлбөрийг танилцуулж байна.

1 . Korean Government Scholarship Program Засгийн газрын тэтгэлэг ( Бакалавар, Магистр)

Korean Government Scholarship Program нь Солонгосын боловсролын яамаар (NIIED) удирдагдан явагддаг бөгөөд гадаадын оюутнуудад олон улсын боловсролын солилцоог дэмжих, улс орнуудын хоорондын нөхөрлөлийг дэмжих зорилгоор дээд боловсролын байгууллагуудад суралцах боломжийг олгох зорилготой хөтөлбөр юм. Нийт бакалаврын 170 сурагчид болон магистрын 700 сурагчид сонгон шалгаруулдаг буюу бакалаврын сурагчдын бүртгэлийг 9 сард эхлээд 2 сарын сүүлээр дуусдаг бол магистрын бүртгэл 2-р сард эхэлж 8-р сарын сүүлээр дуусдаг байна.

Шаардлага:

  • Өөрөө болон аав ээж 2-лаа Солонгосоос өөр иргэншилтэй байх
  • Ахлах сургууль төгссөн байх (бакалавр)
  • Бакалаврын зэрэг хамгаалсан байх (магистр)
  • Голч дүн 80% аас дээш байх
  • Нас 25-с доош байх (бакалавр)
  • Нас 40-с доош байх (магистр)
  • Studyinkorea.go.kr site аар бүртгүүлэх, эсвэл сургуулиараа дамжуулаад бүртгүүлж болно.

Анхаарах зүйлс:

1) Бакалавр :

  • Сургалтын хугацаа 4 жилээс дээш тэнхим (анагаахын тэнхим, архитектурын тэнхим зэрэг) зөвшөөрөгдөхгүй.

2) Судалгааны ажил : Магистр, докторын оюутнуудад хамаарна

  • Нийгмийн ухаан, Хүмүүнлэг-ээр зэрэг хамгаалж байгаа бол семестр болгон судалгааны ажлын 210,000 вон
  • Байгал, механик шинжлэх ухаанаар зэрэг хамгаалж байгаа бол семестр болгон судалгааны ажлын 240,000 вон
  • Судалгааны ажлаас хамаараад хэвлэх зардлын 500,000- 800,000 вон

Тэтгэлэгт хамаарах зүйлс:

1. Бүтэн сургалтын төлбөр

2. Амьжиргааны мөнгө

3. 2 талын тийзны зардал

4. Эрүүл мэндийн даатгал (сар болгон 20,000 вон)

5. Хэлний бэлтгэлийн төлбөр

6. Аяллын тэтгэмж (ирэхээс өмнө 200,000 вон)

7. Топик 5 эсвэл 6-тай бол сар болгон 100,000 вон

Амжиргааны зардал/Бакалавр/: Сар болгон 800,000 вон

Амжиргааны зардал/Магистр/: Сар болгон 900,000 вон

Илүү дэлгэрэнгүйг эндээс уншаарай.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих
Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn

Манай байршил:

Хэрвээ танд гадаададын их сургуульд суралцах боломж байгаа бол, Яагаад Өмнөд Солонгос улсыг өөрийн жагсаалтад оруулж болохгүй гэж?

1. Боловсрол

С

Солонгос улсын их сургуулиуд Ази тивдээ шилдэгт орж байгаа нь гайхах зүйл биш юм. Тэдний боловсролын чанар болон амжилтад хүрэхийн төлөө зүтгэх нь онцгой сайн юм. 2019 оны 4 сарын байдлаар БНСУ-д 165’000 гадаад оюутан суралцаж байгаа бөгөөд энэ тоо жил бүр 20’000-р өсөх төлөвтэй байна.

Энэ нь та БНСУ-н соёлтой танилцаад зогсохгүй Олон Улсын оюутнуудтай найз нөхөд болж, Олон орны соёлтой танилцах том боломж юм. Мөн тус улс нь суралцахад хамгийн тохиромжтой шилдэг 10 улсад багтдаг юм.

Боловсролын чанар болон гадаад оюутны аюулгүй байдалд ихэд анхаардаг бөгөөд амьдрах тав тухтай орчинг бүрдүүлсэн байдаг нь үүнтэй холбоотой. Сургалтын төлбөр харьцангуй хямдаас гадна суралцангаа ажиллах эрхтэй орон учир жилээс жилд олон улсын оюутнуудыг татсаар байгаа билээ.

Мөн БНСУ-н Засгийн газрын тэтгэлэг нь ирээдүйн Олон Улсын манлайлагчдыг дэмжих болон гадаад оюутанд БНСУ-н их дээд сургуульд суралцах боломжийг олгосноор олон улсын боловсролын харилцааг дэмжиж улс хоорондын найрамдалт харилцааг сайжруулах зорилготой байдаг. Тэтгэлэгт онгоцны тийз, амьжиргааны зардал, эрүүл мэндийн даатгал, Солонгос хэлний сургалт, сургалтын төлбөр зэрэг багтдаг.

2. Хэл соёл

Солонгос хэл бол Монгол хэлний нэгэн адил Алтайн язгуурийн хэлний аймагт багтдаг бөгөөд хэл зүй, дүрмийн хувьд адилхан байдаг нь Монгол хүнд сурахад ихээхэн дөхөм болдог. Судалгаагаар дэлхийн хамгийн түгээмэл сурч байгаа 20 хэлний 12-т Солонгос хэл ордог бөгөөд Ази тивдээ 2-т ордог нь эрэлттэй хэл гэдгийг нь нотолно.

3. Амьдралын өртөг

Хэрвээ та их сургуулийн амралтаараа аялахыг хүсдэг бол Солонгос улс танд мөнгө хуримтлуулах боломж болох болно. Амьдрах байр, тээвэр, хоол гээд харьцангуй хямд байдаг бөгөөд гадаадад суралцах төсөвтөө санаа зовж буй оюутнуудад ихэд таалагдах болно. Өмнөд Солонгост цагийн ажлын дундад цалин эрэгтэй хүнийх 100’000 вонн, эмэгтэй хүнийх 50’000–60’000 вонн байдаг.

4. Оюутны амьдрал

Солонгос дахь боловсролын систем нь их сургуулийн оюутнуудад ‘шаргуу хөдөлмөрлөх’ соёлыг бий болгосон байдаг. Оюутнуудын чөлөөт цагаа өнгөрөөх газрууд олон байдаг бөгөөд хэрвээ та хичээлээ тараад найзуудтайгаа цагийг хөгжилтэй өнгөрүүлмээр байвал Солонгос улс таны урмыг хугалахгүй. Мөн дотуур байрандаа бие бялдаржуулах төв, сагсан бөмбөгийн заал, бүжгийн танхим гэх мэт газрууд байдаг бөгөөд та чөлөөт цагаа үр дүнтэй дотуур байрандаа өнгөрөөж болно гэсэн үг юм. Мөн зарим сургуулийн дотуур байранд хаданд авирах заал, усан бассейн байдаг.

5. Аялал

Солонгосыг 19-р зууны сүүлч хүртэл “Агуу хаант улс” гэж нэрлэж байсан гэдэг. Та амралтаараа Солонгос улсын баялаг түүх болон хурдацтай хөгжлийн нэг хэсэгтэй танилцах боломжтой. Хэрвээ та өөрийн амьдарч буй хотоос бусад хоттой танилцахыг хүсвэл метрогоор хамгийн хурдан явах боломжтой. Солонгосын үзэсгэлэнт газрууд таныг амралтын өдрөөр тань оюутны өдөр тутмын амьдралаас хөндийрүүлж чадах болно. Солонгосоор аялах нь харьцангуй хямд байдаг бөгөөд зарим тохиолдолд гадаадын иргэдэд үнэгүй байдаг.

6. Хоол

Солонгос хоолыг 3 үгээр тодорхойлвол “хямд, амттай дээрээс нь тохилог орчин”. Хэрэв та гадаадад сурахаар төлөвлөж байхдаа хоолондоо дээрээ шалгуур тавьдаг бол Солонгос орон таны хамгийн зөв сонголт байх болно. Солонгос хоол бол тэдний соёлын төв бөгөөд гудамжиндаа янз бүрийн ресторануудтай олонх нь боломжийн үнээр эрүүл хоолоор хангадаг.

Ихэнх ресторан,хоолны газрууд орой хүртэл нээлттэй байдаг бөгөөд зарим нь хүргэх үйлчилгээ санал болгодог мөн 24 цагийн тав тухтай дэлгүүрүүд ч байдаг. Солонгост суралцагчидийн хувьд хоолны газар нь амьдралын олон чухал үйл явдлуудтай хамт өрнөж байдаг.

7. Ажил, мэргэжил

1960-аад оноос эхлэн Солонгос улсын эдийн засаг хурдацтай өсч байна. Энэ нь олон улсын байгууллага, гадаадын ажил хайгчдын сонирхлыг ихээхэн татаж байгаа билээ. Ажил олгогчид нь гадаад ажилчдад нээлттэй байдаг бөгөөд энэ нь олон улсын хэмжээний чадвар туршлагыг эзэмшихийг хүсэж буй хэн бүхэнд хамаатай юм.

Өнөөгийн байдлаар БНСУ-ын гадаад ажилчдын тоо 1 саяд хүрэхэд ойрхон байгаа юм. Солонгост суралцах нь мэргэжлийн ур чадварыг эзэмшихэд шаардагдах туршлага болон хэлний мэдлэгийг танд өгөх болно.

8. Соёл Урлаг

Оюутнуудын гадаадад сурах хүсэлтэй байдаг хамгийн нийтлэг шалтгаан нь өөрөөсөө өөр улсын соёл заншилтай танилцах юм. Та дэлхийн хаанаас ч ирсэн байсан Солонгос улс өдөр бүр таны сэтгэлийг татах болно. Дэлхийн хамгийн агуу түүх соёлтой улсуудын нэг Солонгос улсын соёлын томоохон хэсгүүдийг та бүжиг, хөгжим, дэлгэцийн олон олон бүтээлүүдээс харч болно.
Харин Өмнөд Солонгост суралцах нь таныг өвөрмөц, сэтгэл татам олон олон соёлтой танилцуулахаас гадна та жуулчдаас ялгаатай туршлагатай болж чадна.

9. Хүн ам

Солонгосын их дээд сургуульд суралцах нь таныг солонгос оюутнуудтай найз нөхөд болох, мөн дэлхийн өнцөг булан бүрээс ирсэн оюутнуудтай нөхөрлөх боломжийг олгоно. Солонгос оюутнууд маш хөдөлмөрч мөн тэд олон улсын оюутнуудтай найрсаг, нээлттэй харилцаатай байдаг. Зарим тохиолдолд танд Солонгост амьдрахад мэдвэл зохих чухал хэсгүүдтэй танилцуулах болно.
Мөн Солонгосын их сургуулийн оюутнууд олон улсын оюутнуудтай
соёл уламжлалаа хуваалцах сонирхолтой байдаг бөгөөд тэдний
соёл уламжлалтай мөн танилцах чин хүсэлтэй байдаг. Хэрвээ та хилийн чанадад сурахыг хүсэхдээ ая тухтай бөгөөд амттай хоолтой газар хайж байгаа бол Солонгос хүмүүсийн зочломтгой зан таныг баяртайгаар хүлээж авах болно.

10. Амьдралдаа гайхалтай дурсамж үлдээх

Солонгост суралцах олон эерэг талууд байдаг. Шилдэг их сургуулиуд, тэтгэлэг, хямд зардал, хэл сурах, найз нөхөд, мартагдашгүй аялал,агуу түүх соёлтой танилцах зэрэг эцэст нь энэ бүхэн таны амьдралд гайхалтай дурсамжыг өгөх болно.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

И-Мэйл хаяг: info@hikorea.mn

Солонгос улсад суралцдаг дотоод, гадаад гэлтгүй оюутнууд дунд ‘тренд’ болж байгаа 10 мэргэжлийг танилцуулах гэж байна. Төгсөөд ажилд орох магадлал ихтэй, цалин өндөр, эрэлт ихтэй мэргэжлүүд байдаг сургууль, болон түүний төлбөр, элсэлтийн хугацаа болон тэтгэлгийн мэдээллийг Солонгост суралцах хүсэл, зорилготой оюутнууддаа зориулав.

Топ 10 мэргэжил нь хуваагдаж орох тул эхний хэсэгтээ Монгол оюутнууд дундаа хамгийн эрэлттэй Бизнесийн чиглэлийг оруулах гэж байна. Бизнесийн чиглэл нь Солонгос их сургуулиудад ерөнхийдөө Улс төр гадаад харилцаа болон Бизнесийн удирдлага гэж 2 хуваагддаг.

Гадаад харилцаа

Олон улсын харилцаа бол дэлхийн улс орнууд, олон улсын болон үндэстэн дамнасан байгууллагууд, ард түмний хоорондох улс төр, нийгэм, эдийн засаг, соёл хүмүүнлэгийн зэрэг олон талт харилцаа, хамтын үйл ажиллагааг илэрхийлдэг ойлголт юм. Мөн энэ мэргэжил нь хөрвөх боломж маш өндөр, олон салбарт төрөл бүрийн мэргэжлээр ажиллах боломжтой нийгмийн суурь мэргэжил юм.

Улс төр гадаад харилцаагаар Солонгост ТОП 4 сургууль:

1 . Seoul National University

Элсэлт: Хаврын элсэлт бөгөөд 3 сарын элсэлт нь 7 сард эхэлдэг бол намрын элсэлт буюу 9 сарын элсэлт нь 1,2 сард явагдаад дуусдаг байна.

Шаардлага: Хамгийн багадаа Топик3, бусад хэлний бэлтгэлийн 4-р төвшин, англи хэлний IBT 80, IELTS 6, TEPS 551 болон үүн дээр нэмээд багшийн захиа, төгссөн сургуулийн танилцуулга, ЭЕШ оноо, ахлах ангид хамрагдаж байсан сайн дурын ажил гэх мэт

Төлбөр: 2,442,000 вон (1 семестр)

Тэтгэлэг: шилдэг сурагчийн тэтгэлэг, гадаад сурагчдад зориулсан тэтгэлэг тус тус 100% хүртэл

2. Yonsei University

Элсэлт: Хаврын элсэлт нь 8.19~11/14 хүртэл бол намрын элсэлт нь 1.20~6~4 хүртэл явагдаад дуусдаг байна.

Шаардлага: Солонгос хэлний оноо, багшийн захиа, гаргасан амжилт болон сургуулиас гадуурх үйл ажиллагаа, апостил гэх мэт

Төлбөр: 3,564,000 вон (1-р семестр), 6140000 (2-р семестр)

Тэтгэлэг: топ сурагчийн тэтгэлэг 10 хүн

3. Korea University

Элсэлт: Хаврын элсэлт нь 8.20~10.17 хүртэл бол намрын элсэлт нь 3 сар~4 сар хүртэл явагдаад дуусдаг байна.

Шаардлага: Топик 3-6

Төлбөр: 3,900,000 вон (1 семестр)

Тэтгэлэг: Шилдэг элсэгчийн тэтгэлэг 50%, 100%

4. Konkuk university

Элсэлт: Хаврын элсэлт нь 10 сар~11 сар хүртэл бол намрын элсэлт нь 4 сар~5 сар хүртэл явагдаад дуусдаг байна.

Шаардлага: топик 3-р төвшин, өөрийн хэлний бэлтгэлийн 3-р түвшин төгссөн сертификат

Төлбөр: 3,839,000 вон (1 семестр)

Тэтгэлэг: топик 3-р төвшнөөс 6-р төвшин хүртэл 30 ~ 60% тэтгэлэг

Нэмэлт: 1 элсэлтээр 3 мэргэжлийн тэнхим сонгох боломжтой

Бизнесийн удирдлага

Бизнесийн удирдлага нь хүний нөөцийн менежмент, стратегийн менежмент, бизнесийн харилцаа, бизнес төлөвлөгөө, олон улсын бизнес, байгууллагын зан төлөв, бизнесийн шинжилгээ, төслийн менежмент, бүтээмжийн менежмент, компанийн засаглал гэх мэт хичээлүүд үздэг ба та энэ энэ чиглэлээр төгссөн бол маркетинг, банк, нягтлан гэх мэт салбаруудад ажиллаж болох юм. 

Бизнесийн удирдлагаар Солонгост ТОП 3 сургууль мөн л Сөүл, Курё, Ёонсэ их сургуулиуд байр эзэлдэг бол дөрөвт Сонкеонгуан их сургууль ордог байна.

Sungkyunkwan University

Элсэлт: Хаврын элсэлт нь 9.2~9.6 хүртэл бол намрын элсэлт нь 11.25~11.29 хүртэл явагдаад дуусдаг байна.

Шаардлага: топик4, бусад хэлний бэлтгэлийн 4-р төвшин, англи хэлний IBT 80, IELTS 5.5

Төлбөр: 4,024,000 вон (1 семестр)

Улс төр, гадаад харилцаагаар хамгийн шилдэг гэсэн сургуулиуд нь эдгээр сургуулиуд бол дараачийн блогоороо Aрхитектур, IT мэргэжлээр Солонгосын ямар их сургуулиуд шилдэг-т ордгийг тун удахгүй цугтаа харцгаая.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn

Манай байршил

Карантинаа дуусаад Солонгос улсыг зорих гэж байна уу? Тэгвэл доорх нийтлэлийг сонирхоод үзээрэй гэж зөвлөж байна. Ингээд Солонгос улсад очоод чөлөөт цагаараа заавал очиж үзэх 5 газрыг танилцуулж байна.

1.Gwangmyeong cave

Гуанмёон агуй нь 1912–1972 онд алт, мөнгө, зэс, цайрыг олборлож байсан Солонгосын цорын ганц уурхай байсан бөгөөд ашиглалтаас гараад аялал жуулчлалын зориулалтаар ашиглаж эхэлсэн байна. Энэхүү 100 гаруй жилийн настай агуй дотор Солонгосын хамгийн том луу баримал, Дарсны агуй гэж нэрлэгдэх дарс амтлаж болдог агуй, аймшгийн агуй мөн дундаа LED гэрлээр чимэглэсэн агуй гэх мэт янз янзын агуй байдаг юм.

Төлбөр: Том хүн 5000 вон / Өсвөр насныхан 2,500 вон / Хүүхэд 1500 вон

Байрлал: 142, Gahak-ro 85beon-gil, Gwangmyeong-si, Gyeonggi-do

Илүү дэлгэрэнгүйг эндээс (Солонгос, Англи, Япон, Хятад хэлээр)

2.Ikseon-dong

Игсон-дон гэдэг нэртэй гудамж бөгөөд Солонгос залуус дундаа найзуудтайгаа болон хосуудтайгаа болзоонд явахад хамгийн эрэлттэй газар юм. Солонгосын дээр үеийн Ханок гэх байшингийн дизайнтай байшингууд дотор Кофе шоп, ресторан, эртний эдлэлийн дэлгүүр, тренд хувцасны дэлгүүр гэх мэт үйлчилгээний газрууд их бөгөөд хүмүүс Игсон-дон гудамж дунд нь зургаа авахуулж сошиал медиа дээр их тавьдаг байна..

Байрлал: Ikseon-dong, Jongno-gu, Seoul South Korea

3.The garden of morning calm

Уулийн энгэрт байрлах 82 акр цэцэрлэгт хүрээлэн бөгөөд дотроо Хятад чавганы модны хүрээлэн, Солонгос сэдэвт хүрээлэн, Эмчилгээний ургамлын хүрээлэн гэх мэт 20 жижиг өөр өөр сэдэвтэй цэцэрлэгт хүрээлэнгээс бүрдэх бөгөөд 2012 онд CNN-ийн “Өмнөд Солонгост үзэх 50 үзэсгэлэнтэй газар” жагсаалтад орсон цорын ганц цэцэрлэгт хүрээлэн юм. Мөн нэмж хэлэхэд энэ хүрээлэн нь өвөл болохоор хүрээлэн дотроо байгаа мод, ургамал, сандал гэх мэт бүх юмаа LED гэрлээр чимж яг л кино нь дээр гардаг шиг үзэсгэлэнтэй харагддаг байна.

Төлбөр: Том хүн 9500 вон / Өсвөр насныхан 7000 вон / Хүүхэд 6000 вон

Байрлал: 432, Sumogwon-ro, Gapyeong-gun, Gyeonggi-do

Илүү дэлгэрэнгүйг эндээс(Солонгос, Англи, Япон, Хятад хэлээр)

4. Everland park

Солонгост Disney парк байхгүй ч Сөүл хотын захад байрладаг Эвэрланд парк нь ямар ч улсын Disney парктай дүйцэхүйц парк юм. Мөн энэ парк дотор дэлхийн дөрөв дөх хамгийн эгц болон өндөр модон галзуу хулгана байдгаараа онцлог юм. Энэ парк дотор хүүхдийн паркаас гадна амьтны хүрээлэн хүртэл байдаг бөгөөд Солонгост цорын ганц байдаг панда хүртэл байдаг ба жилийн улирал нээлттэй байдаг. Мөн Halloween фестиваль, Алталзул, Сарнай цэцгийн фестиваль, Зуны фестиваль гэх мэт олон янзын арга хэмжээнүүд зохион байгуулагддаг байна.

Төлбөр: Том хүн 56000 вон / Өсвөр насныхан 47000 вон / Хүүхэд 44000 вон

Байрлал: 199, Everland-ro, Pogok-eup, Cheoin-gu, Yongin-si, Gyeonggi-do

Илүү дэлгэрэнгүйг эндээс (Солонгос, Англи, Япон, Хятад хэлээр)

5. Seoul Grand park

Энэ парк нь Солонгосын хамгийн том цэцэрлэгт хүрээлэн юм. Зураг нь дээр байгаа цагаан барилга л гэхэд хүрээлэнгийн зөвхөн нэг хэсэг буюу ботаник гарден нь юм. Үүн дээр нэмээд Амьтны хүрээлэн, музей, хоёр талдаа модоор хүрээлэгдсэн 8 км ойн мод. Мөн сагс болон гар бөмбөгийн талбай , дэлгүүр, нийтийн усанд ордог газар гэх мэт газартай ба найзууд болон гэр бүлтэйгээ тусдаа салхинд гарч болохоор тусгай талбай хүртэл байдаг байна.

Төлбөр: Амьтны хүрээлэн болон ботаник гарден: Том хүн 5000 вон / Өсвөр насныхан 3000 вон / Хүүхэд 2000 вон

Цэцэрлэгт хүрээлэн: Том хүн 2000 вон / Өсвөр насныхан 1500 вон / Хүүхэд 1000 вон

Байрлал: 102, Daegongwongwangjang-ro, Gwacheon-si, Gyeonggi-do

Илүү дэлгэрэнгүйг эндээс(Солонгос, Англи, Хятад хэлээр)

Хүмүүс Солонгост очоод хамгийн эхэнд л Мёндунг, Намсан цамхаг гэх мэт Солонгосын аялал жуулчлалын нийтлэг газруудаар явдаг бол энэ нийтлэлээрээ бид та бүхний мэдэхгүй аль болох сонин содон газруудыг багтаахыг хичээлээ. Энэ хүрээд та бүхэндээ зориулсан “Солонгост хэрхэн суралцах вэ” цувралын 2-р хэсэг энэ хүрээд дуусaж байна. Тун удахгүй 3 дахь хэсгээрээ уулзацгаая!

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn