Tag

undergradutae

Browsing

2021 оны топикийн хаврын шалгалт хойшлогдсоор 7 сард авагдах болсон билээ. Үүнтэй холбогдуулан бид топик оноогүйгээр элсэж орох боломжтой их сургуулиудын талаарх судалсан мэдээллээ хүргэхээр бэлтгэлээ.

Энэхүү мэдээлэл нь зөвхөн бакалаврын элсэлтэнд хамааралтай болно.

1. Sungshin women’s university

Суншин эмэгтэйчүүдийн их сургууль нь БНСУ-ын Сөүл хотноо байршдаг. 1936 онд уг сургуулийг Сук Чонг Ли доктор үндэслэж байсан ба 1980-аад оны үеэс цогц сургалттай их сургууль болон өргөжсөн байна. Одоогоор 10 бакалавр, 5 төгсөлтийн дараах сургалттай ба нийт 1200 гаруй оюутан суралцаж байна. Сүүлд бий болсон томоохон бүтээн байгуулалт нь үндэсний эмнэлгийн сувилагчийн коллеж ба энэ үйл явдлаараа Солонгос улсдаа шуугиан тариад байсан билээ.

한국유학종합시스템 Study in Korea | run by Korean Government
  • Байршил: Сөүл хот
  • Элсэлтийн хураамж: 900.000вон
  • Сургалтын төлбөр: 4.000.000-5.700.000вон
  • Бүртгэлийн хураамж: 70.000вон
  • Элсэлтийн хугацаа: 5/6-5/14
  • Хариу гарах хугацаа: 7/1
  • Шалгалт өгөөд орж болох эсэх: Боломжтой /Удирдамж гарах үед хугацааг зарлана/.

2. Soongsil University

Суншил их сургууль нь хувийн их сургууль ба Сөүл хотын зүрхэн төв хэсэгт байршдаг. Тус их сургуулийн үндсэн мэдээлэл технологи, эдийн засаг, бизнес, нийгмийн халамжийн мэргэжлийн чиглэлүүд нь оюутнуудын дунд илүү эрэлттэй байдаг байна.

Soongsil University | LinkedIn
Housing | 숭실대학교
  • Байршил: Сөүл хот
  • Элсэлтийн хураамж: 300.000вон
  • Сургалтын төлбөр: 3.700.000-5.000.000вон
  • Бүртгэлийн хураамж: 90.000вон
  • Элсэлтийн хугацаа: 4/12-4/23; 5/7
  • Хариу гарах хугацаа: 6/11
  • Шалгалт өгөөд орж болох эсэх: Боломжтой /эхний шалгалтын хугацаа дууссан, 2 дах шалгалт 5 сараас товлогдоно/.

3. Catholic University of Korea

Солонгосын Католикийн их сургууль нь 1855 онд Католик сүмийн дэргэдэх хувийн тодотголтой их сургууль болон байгуулагдаж байжээ. Тус сургууль нь рим-католикийн сургалт болон дээд боловсрол олгодог анхны сургууль хэмээн тооцогддог. Одоогоор 8 ерөнхий эмчилгээний эмнэлэг буюу тэр дундаа Сөүлийн Гэгээн Мария эмнэлэг нь олны дунд нэр хүндтэй байдаг билээ.

Catholic University of Korea - Free-Apply.com
Catholic University of Korea photo
Catholic University of Korea photo
  • Байршил: Сөүл хот
  • Элсэлтийн хураамж: 300.000вон
  • Сургалтын төлбөр: Тодорхойгүй байна
  • Бүртгэлийн хураамж: 100.000вон
  • Элсэлтийн хугацаа: 4/3-4/30-6/20
  • Хариу гарах хугацаа: 5/31-7/9
  • Шалгалт өгөөд орж болох эсэх: Боломжтой /Ярилцлага авна/

4. Dankook University

1967 онд их сургууль гэх тодорхойлолттой болж байсан Донкук их сургууль нь Солонгосын хамгийн анхны салбар кампустай сургуулиар тодорч байжээ. 1984 онд шүдний эмнэлэг, үүнээс 10 жилийн дараагаар ерөнхий эмчилгээний эмнэлгээ байгуулж чадсан байдаг. Өдгөө дахин нэг салбар кампус болон эм зүйн коллежын кампусыг бүтээн байгуулан сургалтаа явуулснаар байгалийн шинжлэх ухааны салбарт томоохон оюуны хөрөнгө оруулалт хийсээр байна.

Dankook University (Cheonan, South Korea) - apply, prices, reviews | Smapse
한국유학종합시스템 Study in Korea | run by Korean Government
  • Байршил: Сөүл хот
  • Элсэлтийн хураамж: 470.000вон
  • Сургалтын төлбөр: 3.600.000-6.000.000вон
  • Бүртгэлийн хураамж: 120.000вон
  • Элсэлтийн хугацаа: Тодорхойгүй байна
  • Хариу гарах хугацаа: Тодорхойгүй байна
  • Шалгалт өгөөд орж болох эсэх: Боломжтой /*/*-5/15 -5/20/

5. Sogang University

БНСУ-ын хувийн их сургууль ба 1960 байгуулагдаж байжээ. Соганг их сургуульд элсэх нь БНСУ-д өндөр өрсөлдөөнтэй байдаг. Нийт ахлах сургуулиудын шилдэг суралцагчдын 1% нь Соганг их сургуульд элсдэг ба Солонгосын топ сургуулиудын нэгт багтдаг байна. Бизнесийн удирдлага, физик нийгмийн ухааны салбарууд нь хамгийн эрэлттэй хэмээн тооцогддог байна.

Sogang University – Mānoa International Exchange
Sogang University photo
  • Байршил: Сөүл хот
  • Элсэлтийн хураамж: 500.000вон
  • Сургалтын төлбөр: 4.000.000-5.500.000вон
  • Бүртгэлийн хураамж: Тодорхойгүй байна
  • Элсэлтийн хугацаа: 5/25-6/30
  • Хариу гарах хугацаа: 7/20
  • Шалгалт өгөөд орж болох эсэх: Боломжтой /6 сард авна/.

6. Yonsei University /MIREA/

Ёнсэй их сургуулийн MIREA салбар кампус нь Вонжү хотод 1978 онд байгуулагдаж байжээ. Солонгос улсдаа хамгийн их гадаад оюутан суралцдаг сургуулиас гадна Солонгосын “SKY” их сургуулиудын нэгт тооцогддог билээ. Ёнсэй их сургууль нь анагаах ухаан, биохими, нийгмийн эрүүл мэнд, инженерчлэл, материал судлал, хими, мэдрэл судлал, хүмүүнлэгийн ба нийгмийн шинжлэх ухааны салбаруудад эрдэм шинжилгээний томоохон бүтээлүүдийг гаргадгаас гадна шилдэг төгсөгч нарыг бэлтгэдэг байна.

YONSEI University, Seoul, Korea | About Yonsei | Campus Information | Yonsei  Campuses | Mirae Campus
한국유학종합시스템 Study in Korea | run by Korean Government
  • Байршил: Сөүл хот
  • Элсэлтийн хураамж: 501.100вон
  • Сургалтын төлбөр: Тодорхойгүй байна
  • Бүртгэлийн хураамж: 90.000вон
  • Элсэлтийн хугацаа: 1/25-6/3
  • Хариу гарах хугацаа: 2/26-7/2
  • Шалгалт өгөөд орж болох эсэх: Боломжтой

7. Hanyang University

Ханьяан их сургуулийн БНСУ-ын хувийн их сургууль юм. Төв кампус Сөүл хотноо, салбар кампус нь Ансан хотод байрладаг. Тус сургууль нь анх 1939 онд инженерын сургалттайгаар нээгдэж байжээ. Тийм ч учраас Солонгосын инженер, архитектурын чиглэлээр сургалтаа явуулдаг анхны колледж байсан хэмээн тооцогддог байна. Ханьяан их сургууль нь жил бүр 3000 гаруй гадаад оюутан элсүүлдэг юм. 2018 оны байдлаар тус их сургууль нь 76 орны 777 их сургуулиудтай хамтын ажиллагаатай байгаа хэмээн мэдээлэл гаргасан байна.

Movie - Hanyang University
Hanyang - Hanyang University
  • Байршил: Сөүл хот
  • Элсэлтийн хураамж: 349.000вон
  • Сургалтын төлбөр: 4.000.000-5.500.000вон
  • Бүртгэлийн хураамж: Тодорхойгүй байна
  • Элсэлтийн хугацаа: 5/25-6/30
  • Хариу гарах хугацаа: 7/20
  • Шалгалт өгөөд орж болох эсэх: Боломжтой /7 сард авагдана/.

8. Jеonbuk University

Чонбук үндэсний их сургууль нь БНСУ-ын түүхэн хот болох Чонжү хотод байршдаг. Анх 1947 онд байгуулагдаж байсан ба өдгөө 32000 оюутан, 2400 багш ажилчидтайгаар 17 бакалавр, 14 магистр докторын чиглэлээр сургалтаа явуулж байна.

Jeonbuk National University | World University Rankings | THE
Chonbuk National University | Study in South Korea | Education in Korea
  • Байршил: Чонжү хот
  • Элсэлтийн хураамж: Тодорхойгүй байна
  • Сургалтын төлбөр: Тодорхойгүй байна
  • Бүртгэлийн хураамж: Тодорхойгүй байна
  • Элсэлтийн хугацаа: 5/3-21
  • Хариу гарах хугацаа: Тодорхойгүй байна
  • Шалгалт өгөөд орж болох эсэх: Боломжтой /Тусгаарлагдвал амжих магадлал бага/.

9. Seoul University of Foreign Studies

БНСУ-ын Сөүлийн Гадаад судлалыг их сургууль нь 2003 онд үүсгэн байгуулагдаж байжээ. Сургуулийн эрэлттэй хэл судлалын мэргэжлийн чиглэлүүдээс гадна олон улсын улс төр, эдийн засаг, урлаг, IT салбарууд байдаг байна.

서울외국어대학원대학교
스페셜 대학원대학교 바로 알기 대학원대학교 맞춤형 교육으로 취업·학업 진로 개척 │ 매거진한경
  • Байршил: Сөүл хот
  • Элсэлтийн хураамж: 349.000вон
  • Сургалтын төлбөр: Тодорхойгүй байна
  • Бүртгэлийн хураамж: 90.000вон
  • Элсэлтийн хугацаа: Тодорхойгүй байна
  • Хариу гарах хугацаа: Тодорхойгүй байна
  • Шалгалт өгөөд орж болох эсэх: Боломжтой /7/5-7/15/.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

И-Мэйл хаяг: info@hikorea.mn

Солонгос улсад суралцдаг дотоод, гадаад гэлтгүй оюутнууд дунд ‘тренд’ болж байгаа мэргэжлийг танилцуулах гэж байна. Төгсөөд ажилд орох магадлал ихтэй, цалин өндөр, эрэлт ихтэй мэргэжлүүд байдаг сургууль, болон түүний төлбөр, элсэлтийн хугацаа болон тэтгэлгийн мэдээллийг Солонгост суралцах хүсэл, зорилготой оюутнууддаа зориулав.

1. Computer Science

Компьютерын шинжлэх ухаан нь мэдээлэл ба тооцооллын онолын үндсүүд болон тэдгээрийг компьютерын системд хэрэгжүүлэх практик аргуудыг судалдаг. Компьютерын шинжлэх ухаанчид мэдээллийг үүсгэдэг, дүрсэлдэг, хувиргадаг, мөн цогц системийг загварчлахад тохиромжтой хийсвэрлэлийг томьёолдог алгоритмын процессуудыг бодож олдог.

1. KAIST

Элсэлт: Хаврын элсэлт бөгөөд 3 сарын элсэлт нь 9.2-10.25 хүртэл бол намрын элсэлт буюу 9 сарын элсэлт нь эхний ээлжинд 11.4-1.10 хүртэл, 2 дугаар ээлжинд 3.2-3.22 хүртэл явагдаад дуусдаг байна.

Шаардлага: англи хэлний TOEFL IBT 80, TOEFL PBT (OLD) 560, (NEW) 63, IELTS 6.5, TEPS (OLD) 599, (NEW) 326 болон үүн дээр нэмээд багшийн захиа, ахлах ангид авж байсан шагнал, хамрагдаж байсан сайн дурын ажил гэх мэт

Төлбөр: амжилттай элсэн орсон тохиолдолд 100% тэтгэлэгтэй (баклавр)

2. Sungkyunkwan University

Элсэлт: Хаврын элсэлт нь 9.2~9.6 (эхний ээлж) 11.25-11.29 (2 дугаар ээлж) хүртэл бол намрын элсэлт нь 1.20~6~4 хүртэл явагдаад дуусдаг байна.

Шаардлага: Tопик 4-өөс дээш оноо, IELTS 5.5, TOEFL IBT 80

Төлбөр: 5,537,000 (1-р семестр)

Тэтгэлэг: Шилдэг элсэгчийн тэтгэлэг 100%, шилдэг оюутны тэтгэлэг (4 жил)

3. Korea university

Элсэлт: Хаврын элсэлт нь 8.20~10.17 хүртэл бол намрын элсэлт нь 3 сар~4 сар хүртэл явагдаад дуусдаг байна.

Шаардлага: Топик 3-6

Төлбөр: 4,500,000 (1-р семестр)

Тэтгэлэг: Шилдэг элсэгчийн тэтгэлэг 50%, 100%

4. Keimyung University

Элсэлт: Хаврын элсэлт нь 10~11 сар хүртэл бол намрын элсэлт нь 4~5 сар (эхний ээлж), 6~7 сар (2-р ээлж) хүртэл явагдаад дуусдаг байна.

Шаардлага: Топик 2-с дээш, TOEFL IBT 61, TOEIC 600, IELTS 5-с дээш

Тэтгэлэг: Шилдэг элсэгчийн тэтгэлэг 100%

Төлбөр: одоохондоо мэдээлэл байхгүй байна

2. Aрхитектур

Архитектур нь орон сууц, олон нийтийн барилгын болон суурин газрын төлөвлөлтийн үндсэн зарчим, хэтийн төлөвийг тодорхойлох онол практикийн мэдлэгтэй, хүний амьдрах орчны архитектур, орон зайн төлөвлөлт боловсруулах, суурин газрын ерөнхий төлөвлөгөөний санаа гаргах, оновчтой шийдлийг эскиз болон ажлын зураглалаар илэрхийлэх чадвартай болж зураг төслийн байгууллагад зураг төслийн ажлыг удирдах, төслийн судалгааны багт орж ажиллах, хот аймгийн захиргаа бусад байгууллагад ерөнхий архитектораар ажиллах дадал ур чадварыг эзэмшинэ.

1. Seoul National University

Элсэлт: Хаврын элсэлт бөгөөд 3 сарын элсэлт нь 7 сард эхэлдэг бол намрын элсэлт нь 2.10~2.27 хүртэл явагдаад дуусдаг байна.

Шаардлага: ТОПИК 3-6, TOEFL IBT 80, IELTS 6, TEPS (OLD) 551, (NEW) 298 болон үүн дээр нэмээд багшийн захиа, ахлах ангид авж байсан шагнал, хамрагдаж байсан сайн дурын ажил гэх мэт

Төлбөр: 2,998,000 (1-р семестр)

Тэтгэлэг: линк дээр дараад үзээрэй 🙂

2. Hongik University

Элсэлт: Намрын элсэлт нь 5.18-~5.25 хүртэл явагдаад дуусдаг байна.

Шаардлага: ТОПИК 2-6

Төлбөр: 5,423,200 (1-р семестр)

Тэтгэлэг: голч дүнгийн тэтгэлэг 100% хүртэл, гадаад сурагчийн тэтгэлэг 900,000 вон, топик 4- 50%. топик 5- 60%, топик 6- 70%

3. Yonsei university

Элсэлт: Хаврын элсэлт нь 8.19~11/14 хүртэл бол намрын элсэлт нь 1.20~6~4 хүртэл явагдаад дуусдаг байна.

Шаардлага: Солонгос хэлний оноо, багшийн захиа, гаргасан амжилт болон сургуулиас гадуурх үйл ажиллагаа, апостил гэх мэт

Төлбөр: 4,662,000 вон (1-р семестр)

Тэтгэлэг: Tоп сурагчийн тэтгэлэг,  Элсэлтийн тэтгэлэг 100% хүртэл

4. Korea university

Элсэлт: Хаврын элсэлт нь 8.20~10.17 хүртэл бол намрын элсэлт нь 3.3~4.10 хүртэл явагдаад дуусдаг байна.

Шаардлага: Топик 3-6

Төлбөр: 4,500,000 вон (1 семестр)

Тэтгэлэг: Шилдэг элсэгчийн тэтгэлэг 50%, 100%

Aрхитектур, IT мэргэжлээр хамгийн шилдэг гэсэн сургуулиуд нь эдгээр сургуулиуд бол дараачийн блогоороо хуулийн мэргэжлээр Солонгосын ямар их сургуулиуд шилдэг-т ордгийг тун удахгүй цугтаа харцгаая.

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn

Манай байршил

Аливаа зүйлийг хийхээсээ өмнө бид зорилгоо тодорхой болгох нь бидний цаг хугацааг хэмнэдэг. Гадаадын их, дээд сургуулиудад бүртгүүлэхэд заавал суралцах төлөвлөгөө буюу /Study Plan/ шаарддаг. Энэхүү төлөвлөгөө нь тухайн сургуульд элсэхэд таныг энэ сургуульд тохирох оюутан мөн үү, үгүй юу гэдгийг илэрхийлэх хамгийн чухал үзүүлэлт болох юм.

Хэрвээ та Солонгос орныг сурахаар зорих гэж байгаа бол тухайн орны ёс заншил, соёл иргэншил болон сурах гэж буй сургуулийнхаа талаар дэлгэрэнгүй мэдээллийг судлан яагаад заавал Солонгос оронд сурах хүсэлтэй байгаа тэр тундаа энэхүү сургуулийг сонгох болсон шалтгаанаа дэлгэрэнгүй бичиж өгөх нь зүйтэй.
Суралцах төлөвлөгөө буюу /Study Plan/-аа дараах 3-н үндсэн агуулгад хуваан бичих хэрэгтэй.

  1. Өнгөрсөн (Та идэвхтэй, амжилттай суралцаж байснаа харуулах хэсэг бөгөөд яагаад Солонгос улсад сурах гэж байгаагаа бичнэ)
  2. Одоо (Хэрвээ сургууль таныг элсэхийг зөвшөөрсөн тохиолдолд та суралцаж байх хугацаандаа юу хийх вэ?) / хамгийн чухал хэсэг/
  3. Ирээдүй (Солонгос улсад суралцсаны дараах төлөвлөгөө )

Хэлний бэлтгэл болон цааш бакалавр болон түүнээс дээш зэрэгт суралцах гэж байгаа бол та суралцах төлөвлөгөө буюу /Study Plan/-аа бичихдээ доорх хэсгийг анхааран унших хэрэгтэй.

1. Яагаад Солонгос хэлийг сонгосон бэ? ★ ★ ★

◆ Солонгос хэлийг сурах болсон шалтгаанаа тусгаж өгөх хэрэгтэй. Солонгос орноор аялж байсан бол түүх, ёс заншил, амьдралын хэв маяг, мэдэж судлахыг хүсэж байгаагаа дурдах нь зүйтэй. Мөн Солонгосын их сургуулиуд таныг өмнө нь ямар нэгэн Солонгос хэлний сургалт, дамжаанд явж байсан эсэхээс хамаарч Солонгос оронд суралцах хүсэлтэйг харах болно.

2. Яагаад Солонгос орныг сонгох болсон бэ? ★ ★ ★

◆ Дэлхийн өөр олон улс орнууд бич яагаад заавал Солонгос улсыг сонгон суралцах болсон шалтгаан. Жич: Солонгос улсыг сонгон суралцах болсон онцгой шалтгаан байгаа бол түүнийгээ тодорхой бичих.

3. Сургуулиа тодорхойлох ★ ★ ★

◆ Яагаад энэхүү сургуулийг сонгон суралцах болсон бэ?
Хэрвээ та хэлний бэлтгэлээ төгсөөд бакалаврт суралцахаар төлөвлөсөн бол та суралцахыг хүсэж буй мэргэжлээ яагаад эзэмшмээр байгаа, энэхүү сургуульд суралцсанаар ямар давуу талуудтай, тус улс таны сонгосон мэргэжлээр хэр хөгжингүй зэргийг судлан бичих. Яагаад бичих хэрэгтэй вэ гэвэл сургууль таныг манай сургууль-д сурах, төгсөх хүсэл зорилготой мөн тухайн сургуульд орсноороо ямар эерэг нөлөө үзүүлж чадах гэдгийг мэдэх гэж байгаа юм. Мөн үүн нэмээд өөрийн мэргэжилтэй холбоотой ямар мөрөөдөлтэй гэдгээ бичээрэй.  

4. Суралцах төлөвлөгөө ★ ★ ★

◆ Сургуульдаа суралцаж байх хугацаандаа юу хийх вэ?
— Эхний 6 сар- 1 жилийн хугацаанд хэлний бэлтгэлд суух бөгөөд үндсэн мэргэжлийн ангидаа ороход ТОПИК-н 3 ба 4-р төвшнөөс илүү оноо авахаа итгэл үнэмшил төрүүлэхүйц бичих хэрэгтэй.
— Мөн сургуулийнхаа аливаа олон нийтийн ажилд идэвхтэй оролцож, тэмцээн уралдаанд өөрийн туршлага дээрээ үндэслэн Монгол улсаа төлөөлөн оролцоно гэсэн санаагаа нэмэн оруулж болно.
— Та өөрийн суралцах төлөвлөгөөгөө илүү урт бөгөөд дэлгэрэнгүй болгохыг хүсэж байвал энэхүү хэсэгт 4–5 жил суралцах хугацаандаа хийх зүйлсийнхээ төлөвлөгөөг жил жилээр нь нарийн бичиж болно.

5. Солонгос улсад суралцан төгсөөд та юу хийх вэ? ★ ★ ★

◆ Та сургуулиа төгсөөд, өөрийн сонгосон мэргэжлээ эзэмшээд ямар ажил хийхийг хүсч байгаа вэ? мөн өөрийн улс орон болон нийгэмдээ юу хийж, өөрчилж чадах вэ?
/Өөрийгөө дутуу үнэлсэн зүйл бичих хэрэггүй, сургууль тийм хүнийг авах хүсэлгүй байх болно/
Эцэст нь хэлэхэд таны материалаа явуулж буй сургуульд элсэх хүсэлтэй олон оюутнуудаас яагаад таныг авах ёстой вэ? гэдэг дээр тулгуурлан бүхий л бичих зүйлсээ бодож бичих хэрэгтэй.

6. Зөвлөмж ★ ★ ★

  • Тухайн сургууль болон мэргэжлийг яагаад сонгосон тухайгаа бичихдээ тэр сургууль болон сонгосон мэргэжлийн тэнхимийн давуу талыг бичиж өгвөл сайн. (сургуулийн web хуудаснаас харж болдог)
  • Овог нэр, төрсөн огноо, суралцсан сургуулийн жагсаалт гэх мэт  анкет дээр байгаа мэдээллийг бичихгүй
  • Сургалтын алба өдөрт эссег мянга мянгаар нь уншиж байдаг болохоор сонирхолтой, хүний анхаарлыг татахаар бичих гэж хичээвэл сайн
  • Суралцах төлөвлөгөө бичихээсээ өмнө СУДАЛГАА хийх маш чухал

Та өөрийн суралцах төлөвлөгөөгөө бичихдээ “давс, чихрийнхээ тунг нь тааруулж” бичээрэй. Албан бичиг биш тул хэт их албаны үг хэллэг , мөн хэт их уянгын халилтай, уран зохиолын эсээ шиг үг хэллэг бичих хэрэггүй. Мөн та өөрийн тохиромжтой гэж үзсэн хэсэгтээ алдартай хүний хэлсэн ишлэл, ном зохиолын алдартай ишлэлээс дурдаж өгвөл таны мэдлэг чадварыг илүү илтгэх болно. Мөн суралцах төлөвлөгөөгөө сайн бичвэл тэтгэлэг олгох тохиолдол ч их байдаг учраас та хичээгээрэй!

HiKorea Mongolia нь БНСУ-ын их, дээд сургуулийн мэргэжлийн зөвлөгөө, мэдээлэл, зуучлалын үйлчилгээ үзүүлж байна.

Бидэнтэй холбоо барих

Утас: 7766–5555

Вэб сайт: www.hikorea.mn

Facebook Page: HiKorea Mongolia

И-Мэйл хаяг: info@hikorea.mn